Բարսելոնայում կայացել են Եվրահայկական 24-րդ խաղերը

31 մարտի, 2024

Մարտի 31-ին դեսպան Սոս Ավետիսյանը և դեսպանության դիվանագետ Ժենյա Գյուլբանգյանը ներկա են գտնվել Իսպանիայի Բարսելոնա քաղաքում կայացած Եվրահայկական 24-րդ խաղերի փակման հանդիսավոր արարողությանը, գավաթներ հանձնել մրցանակային տեղեր զբաղեցրած մասնակիցներին։ Դեսպան Ավետիսյանը միջոցառման շրջանակներում հանդես է եկել ելույթով՝ կարևորելով Եվրահայկական խաղերի անցկացումը Հայաստան-Սփյուռք կապերի ամրապնդման, ինչպես նաև Եվրոպայի հայկական համայնքների միջև համագործակցության սերտացման առումներով։

Մարտի 29-ից ապրիլի 1-ն անցկացված Եվրահայկական 24-րդ խաղերին մասնակցել են ավելի քան 600 պատվիրակներ՝ 16 երկրից։ Խաղերը Բարսելոնայում անցկացվել են Բարսելոնայի Հայկական մշակութային միության նախաձեռնությամբ և ջանքերով՝ Իսպանիայում ՀՀ դեսպանության և Բարսելոնայում ՀՀ պատվավոր հյուպատոսության աջակցությամբ։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր